Ang pagkakaiba sa pagitan ng anti-racism questionnaire at ang BC Demographic Survey
Pagpapanagot ng Pamahalaan
Ang Anti-Racism Data Act ay nagpapahintulot sa amin na mangulekta ng mga datos na base sa lahi ng ligtas. Ang datos ay gagamitin para makilala kung saan nakakatanggap ng mga di pantay-pantay na serbisyo ang mga tao.
Para masuportahan itong pangungulekta at paggamit ng mga datos, bumubuo kami ng mas malawak na batas laban sa kapootang-panlahi
Itong bagong batas, na ipapakilala sa 2024, ay pananagutin ang pamahalaan sa pagtugon sa sistematikong kapootang panlahi na natuklasan sa pamamagitan ng pangungulekta ng mga datos, at magbibigay ng mga suporta para sa mga negatibong naapektuhan.
Ang input mo ay mahalaga!
Kaya namin inilulunsad ang isang online questionnaire upang marinig mula sa mga tao sa lahat ng background kung paano dapat tugunan ng pamahalaan ang kapootang-panlahi sa B.C.
Ang feedback mo ay hindi papangalanan at matutulungan kami nito upang gawing mas mahusay gumana ang probinsya para sa lahat.
Ang questionnaire ay mga 7-12 minutos para kumpletuhin at ito ay meron sa 15 mga wika.
Ano ang pagkakaiba sa pagitan ng BC Demographic Survey at ang anti-racism na questionnaire?
Habang ang BC Demographic Survey ay makakatulong para makilala ang mga puwang at mga sagabal sa aming mga serbisyo, ang anti-racism questionnaire ang magsasabi sa bagong batas, na ipakikilala sa 2024, na pananagutin ang pamahalaan sa pagtugon sa sistematikong kapootang-panlahi sa mga programa at serbisyo nito.
Ang feedback na matatanggap namin sa pamamagitan ng anti-racism questionnaire ay makakatulong upang maintindihan namin kung anong mga suporta ang kailangan ng mga tao upang paghilomin ang kasalukuyang kolonyal at panlahing trauma at kung papaano matutugunan sa pinakamabuting paraan ang sistematikong kapootang panlahi sa pamahalaan.
Anong uri ng mga tanong ang tatanungin sa questionnaire?
Ang mga respondente ay tatanungin kung paano sa tingin nila dapat tugunan ng gobyerno ang kapootang panlahi, anong mga serbisyo ang kapaki-pakinabang sa pagharap sa mga insidenteng panlahi at ano ang mga pinakamahalagang mga kadahilanan sa pagbubuo ng mga patakaran laban sa kapootang panlahi.
Lahat ng mga impormasyon na nakalap ay di papangalanan at ang mga resulta ay ibabahagi sa publiko sa taglagas ng 2023.
Pwede ko bang gawin ang questionnaire, maski na hindi ako Katutubo o racialized?
Habang ang aming mga pakikipag-ugnayan para sa batas na ito ay limitado sa mga Katutubo at racialized na mga tao, alam namin na bawat tao ay mayroong iba’t-ibang mga karanasan at mga opinyon kung paano dapat tugunan ng pamahalaan ang kapootang panlahi
Lahat ng input ng bawat isa ay mahalaga, at makakatulong sa amin na gawing mas mabuti at mas mapagpabilang ang probinsya.
Nais mo bang mas matuto?
Narinig namin mula sa maraming Katutubo at iba pang pinaglahing mga tao na sila ay naiiwan dahil ang mga serbisyo ng pamahalaan ay hindi idinisenyo na nasa isip sila. Ang impormasyong kinokolekta namin sa pamamagitan ng Pagsisiyasat sa Demograpiko ng BC ay makakatulong sa pagtukoy ng mga puwang sa aming mga serbisyo upang magawa namin ang mga ito na mas madaling ma-akses at inklusibo.