آپ کے ڈیٹا کو محفوظ رکھنا

جون 2023 میں، ہم نے BC آبادیاتی سروے کا آغاز کیا۔ سروے کے جوابات، انسداد نسل پرستی ڈیٹا ایکٹ کے تحت نظامی نسل پرستی کی شناخت اور اس کے سدباب کی ہماری کوششوں کی حمایت کر رہے ہیں۔

قانون کے تحت، ہم اس بات کو یقینی بنائیں گے کہ ہم جو بھی معلومات جمع کرتے ہیں اسے محفوظ طریقے سے ذخیرہ کیا جائے۔ فریڈم آف انفارمیشن اینڈ پروٹیکشن آف پرائیویسی ایکٹ (Freedom of Information and Protection of Privacy Act) کے تحت تمام رازداری اور حفاظتی تحفظات، اس قانون کے تحت جمع یا استعمال کی گئی معلومات پر لاگو ہوں گے۔

اعداد و شمار کا استعمال کرتے ہوئے نظامی نسل پرستی کی شناخت شروع کرنے کے لیے، ہم اس معلومات کو محفوظ بنانے کے لیے برٹش کولمبیا کے ڈیٹا انوویشن پروگرام (Data Innovation Program) اور بین الاقوامی طور پر تسلیم شدہ رازداری اور سیکیورٹی فائیو سیف (Security Five Safe) ماڈل کا استعمال کریں گے۔

فائیو سیف ماڈل (Five Safes model) ڈیٹا تک نامناسب طریقے رسائی یا استعمال ہونے کے خطرے کو درج ذیل طریقہ سے کم کرتا ہے:

• ڈیٹا سے ذاتی طور پر قابل شناخت معلومات کو ہٹانا
• ڈیٹا کو محفوظ طریقے سے مربوط کرنے کے لیے محفوظ ٹیکنالوجی کا استعمال
• صرف ایسے منصوبوں کی اجازت دینا جن کا واضح عوامی فائدہ ہو اور افراد یا کمیونٹیز کو کوئی نقصان نہ ہو
• صرف مجاز افراد کو رسائی فراہم کرنا
• نتائج اور رپورٹس میں رازداری کے اضافی تحفظ کو یقینی بنانا تاکہ انفرادی لوگوں کی شناخت نہ ہو سکے۔