Taunang Pahayag

Maaaring kasama sa mga taunang release ang mga impormasyong tulad ng:

  • Paglalathala ng estadistika, kabilang ang mga natuklasan mula sa mga priyoridad sa pananaliksik ukol sa anti-racism
  • Mga update tungkol sa pagpapatupad ng Anti-Racism Data Act
  • Open data
  • Mga culturally safe na practice para magsagawa ng pananaliksik ukol sa anti-racism

Ang pagiging transparent (tapat at malinaw) tungkol sa aming mga pagsisikap ay nakakatulong sa mga Indigenous at racialized na komunidad upang magamit ang impormasyong ito para makapag-advocate ng mga pagbabago.

Ano ang Paglalathala ng Estadistika (Release of Statistics)?

Sa ilalim ng Seksiyon 19 ng Anti-Racism Data Act, kada taon sa araw ng Hunyo 1, dapat kaming maglabas ng estadistika o iba pang impormasyong kaugnay sa sistemikong rasismo at katarungang panlahi (racial equity).

Bago ilathala, sinusuri ng Anti-Racism Data Committee ang mga materyal na ito kung makakapagdulot ito ng pinsala. Ang Province ay dapat ding sumangguni at makipagtulungan sa Indigenous Peoples at magbahagi ng mga materyal para sa kanilang consent bago ito ilabas.

Taunang release para sa 2026

Noong Mayo 28, 2026, inilabas namin ang aming mga natuklasan tungkol sa pag-usad ng propesyonal na karera ng mga Indigenous at racialized na empleyado sa BC Public Service.

Taunang release para sa 2025

Noong Mayo 30, 2025, inilabas namin ang mga bagong natuklasan mula sa anti-racism research. Nakatuon ang mga ito sa:

  • Update tungkol sa racial diversity at equity sa BC Public Service
  • Representasyon sa iba’t ibang ahensiya, board at komisyon ng B.C.
  • Pagkakaiba-iba ng sweldo (wage disparity) ng mga trabaho sa iba’t ibang bahagi ng B.C.

Taunang release para sa 2024

Noong Mayo 30, 2024, naglabas kami ng ilang ulat at kabilang dito ang:

  • Mga update tungkol sa tatlong priyoridad sa pananaliksik ukol sa anti-racism
  • Ulat tungkol sa aming pamamaraan sa BC Demographic Survey
  • Progress report tungkol sa pagpapatupad ng Anti-Racism Data Act

Taunang release para sa 2023

Noong May 29, 2023, ipinahayag namin ang isang ulat tungkol sa aming trabaho sa ilalim ng Anti-Racism Data Act sa pagitan ng Hunyo 2022 at Mayo 2023.

Kasama dito:

  • Ang konsultasyon at pakikipagtulungan sa mga Indigenous Peoples
  • Ang paglikha ng Anti-Racism Data Committee at kung paano ito gumagana
  • Paano namin binuo ang aming mga priyoridad sa pananaliksik

Naglabas din kami ng isang gabay na nagbibigay ng mga rekomendasyon para sa paggamit ng impormasyon sa lahi at etnisidad sa mga proyektong pananaliksik.