Paano kami nakikipagtulungan sa Indigenous Peoples

Ang bawat bahagi ng Anti-Racism Data Act ay binuo kasama ang Indigenous Peoples at mga racialized na komunidad.

Magpapatuloy kaming makipagtulungan kasama ang Indigenous Peoples at mga racialized na komunidad habang kumikilos alinsunod sa Act.

Dedikado kaming makipagtulungan sa mga mamamayang First Nations, Metis at Inuit upang matugunan ang sistemikong rasismo sa mga programa at mga serbisyo.

Ang Anti-Racism Data Act ay nagbibigay-daan sa pagkolekta at paggamit ng mga personal na impormasyon upang makatulong sa pagtugon sa sistemikong rasismo at isulong ang katarungang panlahi.

Ang pagkikilala sa Indigenous data sovereignty (karapatan ng isang Indigenous na pamahalaan na kontrolin ang datos tungkol sa kanila) ay isang mahalagang bahagi ng patuloy na konsultasyon sa mga Indigenous governing entity (IGE) sa ilalim ng Anti-Racism Data Act.

Patuloy kaming makikipagtulungan kasama ang Indigenous Peoples ukol sa lahat ng inisyatibang tungkol sa data na bubuiin sa ilalim ng Act, kabilang ang:

Sinusuportahan ng Batas na ito ang mga patuloy na pagsisikap para sa rekonsilyasyon sa ilalim ng Declaration on the Rights of Indigenous Peoples Act.

Indigenous Identity Data Standard

Noong Spring 2023, iminungkahi ng Indigenous Peoples ang ilang priyoridad sa pananaliksik ukol sa anti-racism upang maituon ang aming mga pagsisikap na tugunan ang sistemikong rasismo sa mga programa ng pamahalaan. Binigyang-diin ng mga Indigenous Peoples ang kahalagahan ng pagsasagawa ng pamamaraang batay sa mga iba-iba at natatanging katangian (distinctions-based approach) sa pagsasagawa ng pagsisikap na ito. Ibig sabihin lamang nito na ang ating pananaliksik ukol sa anti-racism ay dapat isagawa sa paraang kinikilala, iginagalang, at itinataguyod ang mga natatanging karapatan ng mga mamamayang First Nations, Métis, at Inuit.

Noong unang bahagi ng 2026, naglabas ang pamahalaan ng isang bagong data standard (pamantayan para sa pangangalap at paggamit ng datos) upang gabayan ang pamahalaan para sa pangangalap at paggamit ng impormasyon tungkol sa Indigenous na identidad.

Ang Indigenous Identity Data Standard ay ang in-update na Aboriginal Administrative Data Standard na ipinakilala noong 2007 at hindi na naaangkop para sa panahon ngayon. Ang bagong pamantayan ay:

  • Bubuo ng isang batayang pamamaraan at makakapagbigay ng hindi nagbabagong paggabay tungkol sa paraan ng pangangalap o pagkolekta ng datos kaugnay sa pagkakakilanlan ng Indigenous Peoples o mga katutubo
  • Gagamitin ang salitang “Indigenous” mula sa dating ginagamit na “Aboriginal”, maliban na lamang kung may partikular na kahulugang legal ang salita, tulad ng sa Konstitusyon
  • Magpapakilala ng pamamaraang batay sa iba-iba at natatanging katangian (distinctions-based approach) sa pangangalap ng datos na kumikilala sa mga natatanging pagkakakilanlan ng mga mamamayang First Nations, Métis, at Inuit

Kasabay ang Indigenous Identity Data Standard, inilabas din ng pamahalaan ang Racial Identity Data Standard upang suportahan ang ligtas na pangangalap ng impormasyon tungkol sa panlahing identidad.

Alamin pa ang tungkol sa Identity Data Standards at kung paano ito nakakatulong.

Ano ang data standard?

Ang mga data standard o pamantayan sa datos ay tumutulong upang matiyak na hindi pabago-bago ang paraan ng pangangalap ng datos ng pamahalaan.

Ang mga pamantayan na nilikha sa ilalim ng Anti-Racism Data Act ay magsisilbing gabay kung anong personal na impormasyon ang maaaring kolektahin upang matukoy at mapuksa ang sistemikong rasismo at maisulong ang racial equity o katarungang panlahi.

Pagsusuporta sa Indigenous data sovereignty at self-determination

Sa ilalim ng Action 3.14 ng Declaration Act Action Plan, kami ay nakatuon sa pagpapahusay at pagsulong ng pangangalap at paggamit ng disaggregated (pinaghiwa-hiwalay) na demograpikong datos, na ginagabayan ng pamamaraang batay sa iba-iba at natatanging katangian (distinctions-based approach) upang maitaguyod ang Indigenous data sovereignty (karapatan ng Indigenous Peoples na kontrolin ang datos tungkol sa kanila) at self-determination (karapatan ng Indigenous Peoples na malayang makapagtatag ng sariling paraan ng pamamahala). Kabilang dito ang pagsuporta sa pagtatatag ng First Nations Leadership Council upang bumuo ng isang regional information governance centre na may mandato at pinamumunuan ng mga First Nations na alinsunod sa First Nations Data Governance Strategy.

Alamin ang tungkol sa kung paano sinusuportahan ng Province ang pagtatatag ng BC Regional Information Governance Centre.

Mga priyoridad sa pananaliksik

Noong Mayo 30, 2025, inilabas namin ang mga priyoridad sa pananaliksik para sa 2025-2027. Makakatulong ang mga ito sa paggabay sa aming pananaliksik tungkol sa anti-racism at equity (pagkamakatarungan) sa susunod na dalawang taon.

Inimbitahan ang lahat ng miyembro ng First Nations at Metis Nation BC na naninirahan sa B.C. para tumulong sa pagbuo ng mga priyoridad sa pananaliksik.

Pagtatatag ng mga ugnayan

Nakatuon kami sa pangmatagalang rekonsilyasyon kasama ang mga komunidad ng First Nations, Métis, at Inuit.

Upang masuportahan ang mga pagsisikap na ito, kami’y nagsasagawa ng data circles kada buwan kasama ang mga Indigenous na pamahalaan bilang isang espasyo para sa bukas at transparent na diskusyon tungkol sa mga paksang may kaugnayan sa Act o sa mga datos na may kinalaman sa mga Indigenous na komunidad. Inaanyayahang lumahok ang lahat ng mga First Nations at miyembro ng Metis Nation BC sa mga pagpupulong na ito.

Karagdagang impormasyon

Patuloy na magbasa ng karagdagang impormasyon tungkol sa kung paano kami nakipagtulungan kasama ang mga mamamayang First Nations at Métis upang buuin ang Anti-Racism Data Act.

Paano binuo ang Anti-Racism Data Act