Ang aming mga priyoridad sa pananaliksik
Upang matugunan ang sistemikong rasismo, kailangan muna nating malaman kung saan ito nagaganap.
Mga priyoridad sa pananaliksik para sa 2023 hanggang 2025
Ang mga priyoridad sa pananaliksik ay binuo sa pamamagitan ng pakikipagtulungan sa Anti-Racism Data Committee at Indigenous Peoples. Kasama dito ang BC First Nations at Métis Nation BC.
Sa ilalim ng Anti-Racism Data Act kailangan naming ilabas kung ano mga priyoridad sa pananaliksik kada dalawang taon. Ang mga priyoridad na ito ang siyang makakatulong sa aming matutukan ang mga pinakamahalagang bagay para sa Indigenous Peoples at sa mga racialized na komunidad.
Ang aming mga pagsisikap ay hindi limitado sa mga priyoridad sa pananaliksik. Patuloy ang aming pagtugon sa sistemikong rasismo sa lahat ng aming mga programa at mga serbisyo.
Mga priyoridad sa pananaliksik na nakabatay sa sektor mula sa Indigenous Peoples
- Mga resulta ng kalusugan para sa Indigenous Peoples upang maintindihan ang mga karanasan mula sa isang intersectional at pangkalahatang pananaw
- Mga resulta ng edukasyon para sa mga estudyanteng First Nations, Métis, at Inuit mula kindergarten hanggang grade 12 upang maintindihan ang mga karanasan, kabilang ang kanilang access sa at paggamit sa mga makukuhang suporta
- Mga social determinant (panlipunang katangian) na tumutukoy sa kaligtasan mula sa isang pangkalahatang pananaw at mapunan ang mga puwang na kaugnay sa datos
Karagdagang priyoridad para sa Indigenous Peoples
Tinukoy rin ng Indigenous Peoples ang dalawa pang priyoridad na tumututok sa kung paano namin susuportahan ang Indigenous data sovereignty (karapatan ng isang Indigenous na pamahalaan na kontrolin ang datos tungkol sa kanila) at magsasagawa ng pagsasaliksik.
- Komitment sa 3.14 ng Declaration Act Action Plan
“Pagsulong ng koleksiyon at paggamit ng disaggregated o pinaghiwahiwalay na demograpikong datos, na ginagabayan ng isang paraang nakabatay sa pagkakaiba para sa Indigenous data sovereignty at self-determination, kabilang ang pagsuporta sa pagtatatag ng isang pangrehiyon at may mandatong governance centre na pinapamahalaan ng First Nations, alinsunod sa First Nations Data Governance Strategy”
- Isasagawa ang pananaliksik gamit ang isang paraang batay sa pagkakaiba-iba na kumikilala, rumerespeto, at pinaninindigan ang mga natatanging karapatan ng mga First Nations, Metis, at Inuit
Mga priyoridad sa pananaliksik mula sa Anti-Racism Data Committee
Ang Anti-Racism Data Committee ay nag-rekomenda ng pitong larangan ng priyoridad:
- Pagkakaiba-iba ng mga lahi sa BC Public Service at equity (pagkamakatarungan) sa pagtanggap ng mga empleyado at pag-unlad sa trabaho
- Pakikipag-ugnayan sa sistema ng hustisya at pagsusuri ng ’complaints’ model
- Mga resulta ng kalusugan, ayon sa health system performance framework para maunawaan kung paano gumagana ang sistema para sa iba’t ibang demograpikong grupo
- Pag-unawa kung paano nakakakuha at gumagamit ng mga suporta sa edukasyon ang mga mag-aaral na mula sa iba’t ibang demograpikong grupo at ang mga resulta nito (mula pagkabata hanggang sa pagkatapos ng sekondaryang edukasyon)
- Wellness o pangakalahatang kalusugan ng mga bata, kabataan, at pamilya sa loob at labas ng tahanan
- Ingklusyon sa ekonomiya, kabilang ang pagsusuri ng hindi bayad na trabaho at foreign credential recognition (pagkilala sa kredensiyal mula sa ibang bansa)
- Kawalan ng tirahan, suplay at seguridad ng mga pabahay
Alam niyo ba?
Ang mga paksang ito ay gagabay sa pamamaraan ng pamahalaan upang matugunan ang sistemikong rasismo sa mga susunod na taon.
Inimbitahan namin ang lahat ng BC First Nations at Métis Nation BC upang tumulong sa pagbuo ng mga priyoridad sa pananaliksik. Patuloy na basahin ang karagdagang impormasyon upang malaman kung paano nabuo ang mga ito sa pamamagitan ng partnership.