Tungo sa mas diverse na BC Public Service
May 30, 2025
Ang British Columbia ay tahanan para sa maraming natatanging komunidad, ngunit ang mga matagal nang sistema at istruktura, mga racist na patakaran at hadlang ay nangangahulugang kulang ang representasyon ng mga Indigenous at racialized na indibidwal sa BC Public Service kumpara sa populasyon ng B.C. Lalo pang mas nakikita ang kakulangan sa representasyong ito sa antas ng management at executive.
Upang malutas ang sistemikong rasismo sa mga serbisyo ng pamahalaan, ang BC Public Service ay dapat magkaroon ng mas patas na representasyon ng mga natatanging komunidad na pinaglilingkuran natin.
Kapag ang mga patakaran at programa ng pamahalaan ay hinuhulma ng iba’t ibang pananaw, karanasan at pagkadalubhasa ng mga komunidad, maaari nating mas mahusay na maidisenyo at maihatid ang mga serbisyong angkop para sa lahat sa province.
Pananaliksik
Noong 2023, sa pamamagitan ng pakikipagtulungan sa Anti-Racism Data Committee at Indigenous Peoples, tinukoy ng Province ang 10 priyoridad sa pananaliksik ukol sa anti-racism. Ang pananaliksik na ito ay nasa ilalim ng priyoridad na kaugnay sa racial diversity at equity sa BC Public Service.
Upang masuportahan ang pagsisikap na ito, sinuri ng isang research team ang diversity sa BC Public Service upang maunawaan ang kasalukuyang antas ng representasyon para sa buong organisasyon at kung saan maaaring makaharap ng hadlang ang mga Indigenous at racialized na komunidad para umangat sa mga senior na posisyon. Ang paglutas sa mga hadlang na ito ay nakakatulong sa BC Public Service upang mas mahusay na maisalamin ang populasyon ng B.C., lalo na para sa mga posisyon na namumuno at nagsasagawa ng mga desisyon tungkol sa mga patakaran at programa.
Noong Mayo 2024, inilabas ng Province ang mga natuklasan tungkol sa representasyon sa buong BC Public Service. Batay ang impormasyong ito sa mga survey sa mga empleyado at datos ukol sa human resources na nakolekta noong 2022.
In-update namin ang aming mga natuklasan gamit ang mga survey na sinagutan noong 2024. Sinuri ng mga mananaliksik mula sa BC Public Service Agency ang bilang ng mga Indigenous at racialized na empleyado upang maunawaan ang representasyon sa iba’t ibang posisyon sa BC Public Service. Kabilang dito ang:
- Mga executive na may pananagutan para matupad ng mga ministry ang kanilang mga layunin (halimbawa, mga deputy minister at assistant deputy minister)
- Mga empleyadong bahagi ng management na may pananagutan para matupad ng isang espesipikong team o area sa ministry ang mga layunin nito (halimbawa, mga director)
- Mga empleyadong hindi bahagi ng management, tulad ng mga posisyong nasa ilalim ng unyon, kabilang ang malawak na hanay ng posisyon (halimbawa, mga technical na posisyon, mga posisyon sa research and policy, finance, science, social service o front-line)
Ang mga empleyado sa mga posisyong ito ay maaaring permanente o auxiliary. Ang mga auxiliary position ay mga pansamantalang posisyon para sa mga panandalian o seasonal na trabaho. Dahil dito, mas mababang pinansiyal na stability at seguridad ang naibibigay ng posisyong ito, pati na rin ang pagkakaroon ng mga limitadong benepisyo at may bayad na bakasyon kumpara sa mga permanenteng posisyon.
Mga natutunan namin
Noong 2024, mahigit 34,900 empleyado ng BC Public Service ang sumagot ng survey para sa mga empleyado. Para sa mga staff noong 2024:
- 18.4 porsiyento ay nabibilang sa mga executive na posisyon (0.6 porsiyento) at mga empleyadong bahagi ng management (17.8 porsiyento)
- 81.6 porsiyento ay mga empleyadong hindi bahagi ng management
- 6.9 porsiyento ang nagtatrabaho sa mga auxiliary position
Ginamit ng team ang porsiyento ng lahat ng empleyado sa bawat posisyon sa loob ng BC Public Service bilang benchmark at sinuri ang porsiyento ng bawat pangkat demograpiko upang maunawaan at matukoy kung ito ay mas mataas o mas mababa kaysa sa benchmark.
Ang antas ng representasyon mula sa datos noong 2024 ay katulad ng datos sa pananaliksik na isinagawa noong 2022. Ipinapakita ng mga pinakabagong natuklasan na ito na patuloy pa ring kulang ang representasyon ng mga Indigenous at racialized na indidbidwal sa BC Public Service. Lalo pang mas makikita ang kakulangan sa representasyong ito sa antas ng management at executive.
Sa kabilang dako, patuloy namang labis ang representasyon ng mga empleyadong white sa antas ng executive at management. Karaniwang kasama sa tungkulin ng mga posisyong ito ang responsibilidad at pananagutan para sa mga empleyado, budget at mga estratehikong layunin. Mas mataas ang kanilang kinikita at mas mataas ang pagkakataon na mayroon silang kapangyarihan para makapagbigay-alam sa mga desisyon ng pamahalaan.
Kahit maaaring magbago ang representasyong ito sa paglipas ng panahon, ipinapalagay ng magkatulad na datos mula 2022 at 2024 na kailangan ng mas maraming nakatuong estratehiya upang bumuo ng isang mas diverse at makatarungang pampublikong serbisyo. Basahin sa seksiyon para sa mga susunod na hakbang ang karagdagang impormasyon kung paano ito inaaksiyunan ng pamahalaan.
Mga Indigenous na empleyado
Sa antas ng executive at management, kulang sa representasyon ang mga First Nations na nagtatrabaho sa BC Public Service.
Bahagyang mas mataas ang representasyon ng mga empleyadong Métis sa mga posisyon sa executive at management kumpara sa benchmark para sa BC Public Service.
Mababa ang dami ng Inuit na empleyado sa BC Public Service. Walang Inuit na empleyado sa antas ng executive na posisyon sa BC Public Service. Halos kalahati ng mga empleyadong Inuit ay nagtatrabaho sa management na posisyon. Subalit, ang datos na ito ay inflated o masyadong mataas dahil sa maliit na sample size dahil ang isang empleyado ay maaaring magkaroon ng malaking epekto sa porsiyento. Ginagawa nitong mas mahirap na makapagbigay ng makatwirang paghahalintulad sa benchmark na makikita sa iba’t ibang bahagi ng BC Public Service.
Kumpara sa benchmark na 6.9 porsiyento, bahagyang mas kaunti ang mga empleyadong First Nations at Métis sa mga auxiliary na posisyon. Sa aming sample, walang Inuit na empleyado sa mga auxiliary na posisyon.
Mga racialized na empleyado
21.6 porsiyento ang mga white na empleyado, kung saan sila ang may pinakamalaking bahagi ng mga posisyon sa executive at management sa BC Public Service.
Bahagyang mas mababa sa benchmark ng BC Public Service ang porsiyento ng mga empleyadong Black, Chinese, Japanese, Latin American at Southeast Asian, na pumapatak sa 3 porsiyento.
Ang mga empleyadong Arabo, Pilipino, South Asian at West Asian ay mahigit tatlong porsiyentong mas mababa sa benchmark para sa mga posisyon sa executive at management. 9.9 porsiyento ang dami ng mga Koreanong empleyado sa mga posisyon sa executive at management.
11.9 porsiyento ang mga West Asian na empleyado sa mga auxiliary role, kung saan halos doble ang taas kumpara sa benchmark para sa BC Public Service. Ang mga empleyadong Arabo, Black, Pilipino at Latin American ay labis rin ang representasyon sa mga auxiliary na posisyon.
Mga susunod na hakbang
Ang BC Public Service ay nahubog ng mga kolonyal at racist na patakaran.
Kailangan ng mahabang panahon at maraming pagsisikap upang mabago ang mga matagal nang sistema, kaugalian at pananaw. Ang pananaliksik na ito ay isang unang hakbang na naglalayong itampok ang katarungang panlahi sa BC Public Service sa pamamagitan ng pagbibigay ng isang updated na snapshot ng kakulangan sa representasyon ng mga Indigenous at racialized na indibidwal sa BC Public Service.
Ang mga natuklasang ito ay nagtutulak sa ating kumilos at magsagawa ng mga sistemikong pagbabago at itaguyod ang katarungang panlahi sa BC Public Service. Ang mga susunod na yugto ng pananaliksik na ito ay magpopokus sa pagsusuri kung saan nakakaranas ng mga hadlang ang mga Indigenous at racialized na empleyado. Ginagawa ito upang makapagsagawa ng mga hakbang para maalis ang mga ito.
Dedikado ang BC Public Service Agency upang mapataas ang representasyon ng mga Indigenous at racialized na empleyado sa BC Public Service. Kinikilala rin namin na kailangan ng mas mahusay na resources para umunlad ang propesyonal na karera ng mga Indigenous at racialized na empleyado. Dahil dito, nilalayon ng aming mga pagsisikap ang pagpapahusay at pagpapalawak ng mga kasalukuyang programa, tulad ng Indigenous Leadership and Mentorship Program.
Malaki ang naging tagumpay ng programa sa pag-recruit ng mga mentor mula sa iba’t ibang panig ng BC Public Service upang masuportahan ang mga empleyadong Indigenous para sa pag-unlad ng kanilang leadership na kakayahan at tinatahak na karera. Nasa sentro ng disenyo ng programang ito ang pagtiyak na mayroong tuloy-tuloy na oportunidad ang mga kalahok na Indigenous na indibidwal para mabigyan sila ng feedback tungkol sa kanilang mga pangangailangan sa pag-unlad ng kanilang tinatahak na karera. Ayon sa feedback na ito, pinalawak na ngayon ang programang ito upang maisama ang mga angkop sa kultura (culturally safe) at kumpidensiyal na Indigenous coaching.
Inaasahan naming masundan at maipagpatuloy ang tagumpay ng mga programang ito at naghahanap kami ng mga opsiyon upang masuportahan ang kakayahan sa leadership at mentorship ng mga racialized na empleyado.
Mga oportunidad sa propesyonal na pag-aaral at development
Kamakailan naming ipinakilala ang mga resources sa anti-racism at mga nakapokus sa equity upang masuportahan ang mga patuloy na talakayan at edukasyon ng mga empleyado ng BC Public Service. Kabilang dito ang Anti-Racism in the BC Public Service learning pathway na inilunsad noong 2024.
Bilang bahagi ng commitment 3.1 ng Declaration Act Action Plan, matiyaga kaming nakikipagtulungan kasama ang mga Indigeous partner upang bumuo ng isang bagong mandatory learning course na pinamagatang Indigenous-Crown Relations Essentials (mahalagang impormasyon tungkol sa ugnayan ng Indigenous Peoples at ng monarkiya at pamahalaan). Makakatulong ang course na ito para maunawaan ng mga empleyado ng BC Public Service ang kanilang mga responsibilidad sa pagtataguyod ng mga karapatan ng Indigenous Peoples.
Ipinapaliwanag ng course na ito ang mga pangunahing terminolohiya at tinutukoy ang kolonisasyon bilang sanhi ng rasismo laban sa mga Indigenous Peoples. Tinutukoy rin nito na ginamit ang rasismo laban sa Indigenous Peoples upang gawing lehitimo ang mga batas. Binibigyang tuon namin ang paraan kung paano masusuportahan ang pagpapatupad ng mandatory course na ito sa BC Public Service nang hindi nakakadagdag ng kapahamakan sa mga empleyadong Indigenous.
Ang online course na Diversity and Inclusion Essentials ay ilang taon nang mandatory learning para sa BC Public Service. Ipinapahayag ng course na ito ang mga responsibilidad ng mga empleyado upang mapanatiling walang diskriminasyon ang lugar ng trabaho, kabilang ang pagtukoy ng mga depinisyon ng anti-racism at nagpapakita ng konsepto ng ingklusyon na batay sa iba’t ibang pinapahalagang ideya (values-based approach).
Dagdag pa rito, mayroong makukuhang training upang matiyak na may kaalaman ang mga hiring manager at isinasaalang-alang ang mga paraan sa inclusive hiring (ingklusibong pagtanggap ng mga empleyado sa trabaho). Kabilang dito ang paglalagay ng mga preference statement, pagkonsidera sa lived experience o karanasan ng mga indibidwal at pagtiyak na mayroong diverse na representasyon ang mga hiring panel.
Ang mga Indigenous at racialized na empleyado ay itinuturing na pinakamahalaga sa mga talakayan tungkol sa pagsisikap na ito. Makikipag-ugnayan ang BC Public Service Agency sa mga empleyado sa buong organisasyon upang maunawaan ang kanilang mga karanasan at mga nararanasang hadlang sa pagsulong ng kanilang propesyonal na karera. Makakatulong ang impormasyong ito sa updated na corporate strategy ukol sa equity, diversity at inclusion na pinamagatang Where We All Belong, na ilalabas ngayong 2025.
Karagdagang Impormasyon
Ang web page na ito ay pinaikling buod ng pananaliksik tungkol sa representasyon sa BC Public Service. Basahin ang teknikal na ulat tungkol sa pananaliksik na ito, kabilang ang mga natuklasan tungkol sa isinagawang pagsusuri at mga detalyadong impormasyon tungkol sa mga espesipikong pangkat ng populasyon at mga posisyon sa trabaho.