ਸਲਾਨਾ ਰਿਲੀਜ਼
ਸਲਾਨਾ ਜਾਰੀ ਕੀਤੀ ਸਮੱਗਰੀ ਵਿੱਚ ਹੇਠ ਲਿਖੀ ਜਾਣਕਾਰੀ ਸ਼ਾਮਲ ਹੋ ਸਕਦੀ ਹੈ:
- ਅੰਕੜੇ ਜਾਰੀ ਕਰਨਾ, ਜਿਸ ਵਿੱਚ ਨਸਲਵਾਦ-ਵਿਰੋਧੀ ਖੋਜ ਤਰਜੀਹਾਂ ਤੋਂ ਮਿਲੇ ਨਤੀਜੇ ਸ਼ਾਮਲ ਹਨ
- ਨਸਲਵਾਦ-ਵਿਰੋਧੀ ਡੇਟਾ ਐਕਟ ਦੇ ਲਾਗੂਕਰਨ ਬਾਰੇ ਤਾਜ਼ਾ ਜਾਣਕਾਰੀ
- ਉਪਲਬਧ ਡੇਟਾ
- ਨਸਲਵਾਦ-ਵਿਰੋਧੀ ਖੋਜ ਕਰਨ ਦੇ ਸੰਸਕ੍ਰਿਤਿਕ ਤੌਰ ‘ਤੇ ਸੁਰੱਖਿਅਤ ਤਰੀਕੇ
ਸਾਡੇ ਦੁਆਰਾ ਕੀਤੇ ਜਾ ਰਹੇ ਕੰਮ ਬਾਰੇ ਪਾਰਦਰਸ਼ੀ ਹੋਣਾ, ‘ਇੰਡੀਜਨਸ’ (ਮੂਲ ਨਿਵਾਸੀ) ਅਤੇ ਨਸਲੀਕ੍ਰਿਤ ਭਾਈਚਾਰਿਆਂ ਨੂੰ ਇਸ ਜਾਣਕਾਰੀ ਦੀ ਵਰਤੋਂ ਕਰਕੇ ਬਦਲਾਅ ਲਈ ਆਵਾਜ਼ ਉਠਾਉਣ ਦੇ ਸਮਰੱਥ ਬਣਾਉਂਦਾ ਹੈ।
ਅੰਕੜੇ ਜਾਰੀ ਕਰਨ (Release of statistics) ਦਾ ਕੀ ਮਤਲਬ ਹੈ?
ਨਸਲਵਾਦ-ਵਿਰੋਧੀ ਡੇਟਾ ਐਕਟ ਦੀ ਧਾਰਾ 19 ਦੇ ਤਹਿਤ, ਹਰ ਸਾਲ 1 ਜੂਨ ਤੱਕ ਸਾਨੂੰ ਪ੍ਰਣਾਲੀਗਤ ਨਸਲਵਾਦ ਅਤੇ ਨਸਲੀ ਬਰਾਬਰੀ ਨਾਲ ਸਬੰਧਿਤ ਅੰਕੜੇ ਜਾਂ ਹੋਰ ਜਾਣਕਾਰੀ ਪ੍ਰਕਾਸ਼ਿਤ ਕਰਨੀ ਲਾਜ਼ਮੀ ਹੈ। ਇਸਨੂੰ ਅੰਕੜੇ ਜਾਰੀ ਕਰਨਾ ਕਿਹਾ ਜਾਂਦਾ ਹੈ।
ਇਨ੍ਹਾਂ ਸਮੱਗਰੀਆਂ ਨੂੰ ਜਾਰੀ ਕਰਨ ਤੋਂ ਪਹਿਲਾਂ ਨਸਲਵਾਦ-ਵਿਰੋਧੀ ਡੇਟਾ ਕਮੇਟੀ ਸੰਭਾਵਿਤ ਨੁਕਸਾਨਾਂ ਦੀ ਜਾਂਚ ਕਰਨ ਲਈ ਇਸਦੀ ਸਮੀਖਿਆ ਕਰਦੀ ਹੈ। ਸੂਬੇ ਲਈ ਇਹ ਵੀ ਲਾਜ਼ਮੀ ਹੈ ਕਿ ਉਹ ਮੂਲ ਨਿਵਾਸੀ ਲੋਕਾਂ ਨਾਲ ਸਲਾਹ-ਮਸ਼ਵਰਾ ਕਰੇ ਅਤੇ ਮਿਲਕੇ ਕੰਮ ਕਰੇ, ਅਤੇ ਸਮੱਗਰੀ ਜਾਰੀ ਕਰਨ ਤੋਂ ਪਹਿਲਾਂ ਉਨ੍ਹਾਂ ਦੀ ਸਹਿਮਤੀ ਲਈ ਇਸਨੂੰ ਉਨ੍ਹਾਂ ਨਾਲ ਸਾਂਝਾ ਕਰੇ।
ਸਲਾਨਾ ਰਿਲੀਜ਼ 2026
28 ਮਈ, 2026 ਨੂੰ, ਅਸੀਂ ਬੀ.ਸੀ. ਪਬਲਿਕ ਸਰਵਿਸ ਵਿੱਚ ਇੰਡੀਜਨਸ ਅਤੇ ਨਸਲੀ ਪਿਛੋਕੜ ਵਾਲੇ ਕਰਮਚਾਰੀਆਂ ਲਈ ਕਰੀਅਰ ਵਿੱਚ ਅੱਗੇ ਵਧਣ ਸੰਬੰਧੀ ਖੋਜ ਨਤੀਜੇ ਜਾਰੀ ਕੀਤੇ।
ਸਲਾਨਾ ਰਿਲੀਜ਼ 2025
30 ਮਈ, 2025 ਨੂੰ, ਅਸੀਂ ਨਸਲਵਾਦ-ਵਿਰੋਧੀ ਖੋਜ ਦੇ ਨਵੇਂ ਨਤੀਜੇ ਜਾਰੀ ਕੀਤੇ। ਉਹ ਇਨ੍ਹਾਂ ‘ਤੇ ਧਿਆਨ ਕੇਂਦਰਿਤ ਕਰਦੇ ਹਨ:
- ਬੀ ਸੀ ਪਬਲਿਕ ਸਰਵਿਸ ਵਿੱਚ ਨਸਲੀ ਵਿਭਿੰਨਤਾ ਅਤੇ ਨਿਰਪੱਖਤਾ ਬਾਰੇ ਤਾਜ਼ਾ ਜਾਣਕਾਰੀ
- ਬੀ.ਸੀ. ਦੀਆਂ ਏਜੰਸੀਆਂ, ਬੋਰਡਾਂ ਅਤੇ ਕਮਿਸ਼ਨਾਂ ਵਿੱਚ ਨੁਮਾਇੰਦਗੀ
- ਬੀ.ਸੀ. ਭਰ ਦੇ ਕਿੱਤਿਆਂ ਵਿੱਚ ਭੁਗਤਾਨ ਵਿੱਚ ਅਸਮਾਨਤਾਵਾਂ
ਸਲਾਨਾ ਰਿਲੀਜ਼ 2024
30 ਮਈ, 2024 ਨੂੰ, ਅਸੀਂ ਕਈ ਰਿਪੋਰਟਾਂ ਜਾਰੀ ਕੀਤੀਆਂ, ਜਿਨ੍ਹਾਂ ਵਿੱਚ ਸ਼ਾਮਲ ਹਨ:
- ਸਾਡੀਆਂ ਤਿੰਨ ਵਿਰੋਧੀ-ਨਸਲਵਾਦ ਖੋਜ ਤਰਜੀਹਾਂ ਬਾਰੇ ਅੱਪਡੇਟ
- ਬੀ ਸੀ ਡੈਮੋਗ੍ਰਾਫਿਕ ਸਰਵੇ ਲਈ ਸਾਡੇ ਦ੍ਰਿਸ਼ਟੀਕੋਣ ਬਾਰੇ ਇੱਕ ਰਿਪੋਰਟ
- ਐਂਟੀ-ਰੇਸਿਜ਼ਮ ਡਾਟਾ ਐਕਟ ਦੇ ਲਾਗੂ ਕਰਨ ਬਾਰੇ ਇੱਕ ਪ੍ਰਗਤੀ ਰਿਪੋਰਟ
ਸਲਾਨਾ ਰਿਲੀਜ਼ 2023
29 ਮਈ 2023 ਨੂੰ ਅਸੀਂ, ਜੂਨ 2022 ਅਤੇ ਮਈ 2023 ਦਰਮਿਆਨ ਐਂਟੀ-ਰੇਸਿਜ਼ਮ ਡੈਟਾ ਐਕਟ ਤਹਿਤ ਆਪਣੇ ਕੰਮ ਬਾਰੇ ਇਕ ਰਿਪੋਰਟ ਛਾਪੀ।
ਇਸ ‘ਚ ਸ਼ਾਮਲ ਸੀ:
- ਇੰਡਿਜਨਸ ਲੋਕਾਂ ਨਾਲ ਸਲਾਹ ਮਸ਼ਵਰਾ ਅਤੇ ਸਹਿਯੋਗ
- ਐਂਟੀ-ਰੇਸਿਜ਼ਮ ਡੈਟਾ ਕਮੇਟੀ ਦੀ ਸਿਰਜਣਾ ਅਤੇ ਇਹ ਕਿਵੇਂ ਕੰਮ ਕਰਦੀ ਹੈ
- ਅਸੀਂ ਆਪਣੀਆਂ ਖੋਜ ਤਰਜੀਹਾਂ ਕਿਵੇਂ ਸਿਰਜੀਆਂ
ਅਸੀਂ ਇਕ ਗਾਈਡ ਵੀ ਜਾਰੀ ਕੀਤੀ ਜਿਹੜੀ ਖੋਜ ਪ੍ਰੋਜੈਕਟਾਂ ਵਿਚ ਨਸਲ ਅਤੇ ਜਾਤੀਅਤਾ ਸਬੰਧੀ ਜਾਣਕਾਰੀ ਦੀ ਵਰਤੋਂ ਕਰਨ ਲਈ ਸਿਫਾਰਸ਼ ਮੁਹੱਈਆ ਕਰਦੀ ਹੈ।
