ਸਲਾਨਾ ਰਿਲੀਜ਼ 2023
29, ਮਈ 2023 ਨੂੰ, ਅਸੀਂ ਜਾਰੀ ਕੀਤਾ:
ਅੰਕੜਿਆਂ ਦੀ ਰਿਲੀਜ਼
ਇਹ ਸਮੱਗਰੀ ਨਸਲਵਾਦ-ਵਿਰੋਧੀ ਡੇਟਾ ਐਕਟ ਦੀ ਧਾਰਾ 19 ਹੇਠ ਪ੍ਰਕਾਸ਼ਿਤ ਕੀਤੀ ਗਈ ਸੀ। ਜਾਰੀ ਕਰਨ ਤੋਂ ਪਹਿਲਾਂ ਇਨ੍ਹਾਂ ਦੀ ਸਮੀਖਿਆ ਨਸਲਵਾਦ-ਵਿਰੋਧੀ ਡੇਟਾ ਕਮੇਟੀ ਅਤੇ ਮੂਲ ਨਿਵਾਸੀ ਸ਼ਾਸਨ ਸੰਸਥਾਵਾਂ ਵੱਲੋਂ ਕੀਤੀ ਗਈ ਸੀ।
ਇੱਕ ਸਾਲ ਦੀ ਪ੍ਰਗਤੀ ਰਿਪੋਰਟ
ਇਹ ਰਿਪੋਰਟ ਦੱਸਦੀ ਹੈ ਕਿ ਜੂਨ 2022 ਵਿੱਚ ਐਂਟੀ ਰੇਸਿਜ਼ਮ ਡੈਟਾ ਐਕਟ ਦੇ ਲਾਗੂ ਹੋਣ ਤੋਂ ਬਾਅਦ ਅਸੀਂ ਕੀ ਕੀਤਾ ਹੈ।
ਇਸ ਵਿੱਚ ਇਸ ਬਾਰੇ ਜਾਣਕਾਰੀ ਸ਼ਾਮਲ ਹੈ:
- ਮੂਲਵਾਸੀ ਲੋਕਾਂ ਅਤੇ ਐਂਟੀ ਰੇਸਿਜ਼ਮ ਡੈਟਾ ਕਮੇਟੀ ਨਾਲ ਵਿਸ਼ਵਾਸ ਅਤੇ ਪਾਰਦਰਸ਼ਤਾ ਬਣਾਉਣਾ
- ਮੂਲਵਾਸੀ ਲੋਕਾਂ ਨਾਲ ਸਲਾਹ ਅਤੇ ਸਹਿਯੋਗ
- ਐਂਟੀ ਰੇਸਿਜ਼ਮ ਡੈਟਾ ਕਮੇਟੀ ਦਾ ਨਿਰਮਾਣ ਅਤੇ ਇਹ ਕਿਵੇਂ ਕੰਮ ਕਰਦੀ ਹੈ
- ਕਮਿਊਨਿਟੀ ਫੀਡਬੈਕ ਅਤੇ ਸ਼ਮੂਲੀਅਤ ਨੇ ਬੀ ਸੀ ਡੈਮੋਗ੍ਰਾਫਿਕ ਸਰਵੇ ਨੂੰ ਕਿਵੇਂ ਆਕਾਰ ਦਿੱਤਾ ਹੈ
- ਉਹਨਾਂ ਸਿਫ਼ਾਰਸ਼ਾਂ ਦਾ ਵਿਸ਼ਲੇਸ਼ਣ ਜੋ ਖੋਜ ਪ੍ਰਾਥਮਿਕਤਾਵਾਂ ਦੇ ਵਿਕਾਸ ਨੂੰ ਸੂਚਿਤ ਕਰਨ ਵਿੱਚ ਮਦਦ ਕਰਦੇ ਹਨ
ਨਸਲ ਅਤੇ ਨਸਲੀ ਮੂਲ ਨਾਲ ਸੰਬੰਧਿਤ ਸ਼੍ਰੇਣੀਬੱਧ ਜਾਣਕਾਰੀ ਦੀ ਵਰਤੋਂ ਲਈ ਗਾਈਡ
ਇਹ ਤਕਨੀਕੀ ਗਾਈਡ ਖੋਜ ਪ੍ਰੋਜੈਕਟਾਂ ਵਿੱਚ ਨਸਲ ਅਤੇ ਨਸਲੀ ਮੂਲ ਵੇਰੀਏਬਲਜ਼ ਦੀ ਵਰਤੋਂ ਕਰਨ ਬਾਰੇ ਨੌਂ ਸਿਫ਼ਾਰਸ਼ਾਂ ਪ੍ਰਦਾਨ ਕਰਦੀ ਹੈ। ਇਹ ਡੈਟਾ ਉਪਭੋਗਤਾਵਾਂ ਦਾ ਸਮਰਥਨ ਕਰਦੀ ਹੈ, ਜਿਸ ਵਿੱਚ ਸ਼ਾਮਲ ਹਨ:
- ਵਿਸ਼ਲੇਸ਼ਣ ਕਰਨ ਵਾਲੇ (ਐਨਾਲਿਸਟ)
- ਖੋਜਕਾਰ
- ਡੈਟਾ ਆਰਕੀਟੈਕਟ
- ਡੈਟਾ ਵਿਗਿਆਨੀ
ਗਾਈਡ ਵਿੱਚ ਕੇਸ ਸਟੱਡੀਜ਼ ਅਤੇ ਉਦਾਹਰਣਾਂ ਦੇ ਨਾਲ-ਨਾਲ ਇੱਕ ਸਵੈ-ਮੁਲਾਂਕਣ ਚੈੱਕਲਿਸਟ ਵੀ ਸ਼ਾਮਲ ਹੈ।
ਅਸੀਂ ਗਾਈਡ ਨੂੰ ਵਿਕਸਤ ਕਰਨ ਲਈ ਇਸ ਵਿਸ਼ਾ ਦੇ ਮਾਹਿਰਾਂ ਨਾਲ ਕੰਮ ਕੀਤਾ ਹੈ।
ਹੋਰ ਜਾਣੋ
29, ਮਈ 2023 ਨੂੰ ਖੋਜ ਪ੍ਰਾਥਮਿਕਤਾਵਾਂ ਨੂੰ ਵੀ ਜਾਰੀ ਕੀਤਾ ਹੈ। ਇਸ ਬਾਰੇ ਹੋਰ ਜਾਣਨ ਲਈ ਕਿ ਇਹ ਪ੍ਰਾਥਮਿਕਤਾਵਾਂ ਪ੍ਰਣਾਲੀਗਤ ਨਸਲਵਾਦ ਨੂੰ ਹੱਲ ਕਰਨ ਵਿੱਚ ਸਾਡੀ ਕਿਵੇਂ ਮਦਦ ਕਰਨਗੀਆਂ, ਪੜ੍ਹਨਾ ਜਾਰੀ ਰੱਖੋ।