ਨਤੀਜਿਆਂ ਦੀ ਪੜਚੋਲ ਕਰੋ

ਖੋਜ ਦੇ ਇਹ ਨਤੀਜੇ, ਬੀ ਸੀ ਜਨਸੰਖਿਆ ਸਰਵੇਖਣ (ਬੀ ਸੀ ਡੈਮੋਗ੍ਰਾਫ਼ਿਕ ਸਰਵੇ) ਵਿੱਚ ਭਾਗ ਲੈਣ ਵਾਲੇ 196,800 ਲੋਕਾਂ ਤੋਂ ਮਿਲੀ ਜਾਣਕਾਰੀ ‘ਤੇ ਅਧਾਰਿਤ ਹਨ। ਇਸ ਸਰਵੇ ਨੂੰ ਬੀ.ਸੀ. ਵਿੱਚ ਰਹਿਣ ਵਾਲੇ ਲੋਕਾਂ ਦੀ ਨੁਮਾਇੰਦਗੀ ਦੇ ਅਧਾਰ ‘ਤੇ ਭਰਵਾਇਆ ਗਿਆ ਹੈ। ਇਹ ਨਤੀਜੇ ਜਨਤਕ ਤੌਰ ‘ਤੇ ਜਾਰੀ ਕੀਤੇ ਹੋਰ ਅੰਕੜਿਆਂ ਤੋਂ ਵੱਖਰੇ ਹਨ ਜੋ ਕਿ ਪ੍ਰਬੰਧਕੀ ਡੇਟਾਸੈਟਾਂ ‘ਤੇ ਅਧਾਰਿਤ ਹਨ ਜੋ ਬੀ.ਸੀ. ਵਿੱਚ ਰਹਿਣ ਵਾਲੇ ਸਾਰੇ ਲੋਕਾਂ ਨੂੰ ਦਰਸਾਉਂਦੇ ਹਨ।

ਡਾਇਬਿਟੀਜ਼ ਵਾਸਤੇ, ਅਸੀਂ ਵੇਖਿਆ ਕਿ ਕੀ ਵਿਅਕਤੀ ਦੀ ਕਿਸੇ ਵੀ ਸਮੇਂ ਇਸ ਬਿਮਾਰੀ ਵਾਸਤੇ ਰੋਗ-ਪਛਾਣ ਹੋਈ ਸੀ। ਐਸਥਮਾਂ ਵਾਸਤੇ ਅਤੇ ਮੂਡ ਤੇ ਘਬਰਾਹਟਦੇ ਵਿਕਾਰਾਂ ਲਈ ਅਸੀਂ ਦਰਾਂ ਦੀ ਗਣਨਾਂ ਇਸ ਆਧਾਰ ‘ਤੇ ਕੀਤੀ ਕਿ ਕੀ ਵਿਅਕਤੀ ਨੇ ਅਪਰੈਲ 2021 ਅਤੇ ਮਾਰਚ 2022 ਦਰਮਿਆਨ ਇਸ ਬਿਮਾਰੀ ਲਈ ਕੋਈ ਸਿਹਤ ਸੰਭਾਲ ਕਰਵਾਈ ਸੀ।

ਵੱਸੋਂ ਦੇ ਕਿਸੇ ਗਰੁੱਪ ‘ਚ ਚਿਰਕਾਲੀ ਬਿਮਾਰੀ ਦੀਆਂ ਵੱਧ ਦਰਾਂ ਆਮ ਤੌਰ ‘ਤੇ ਬਿਮਾਰੀ ਦੇ ਵਧੇਰੇ ਬੋਝ ਅਤੇ ਸਬੰਧਤ ਸਿਹਤ ਸੰਭਾਲ ਲੋੜਾਂ ਨੂੰ ਦਰਸਾਉਂਦੀਆਂ ਹਨ। ਖੈਰ, ਇਹ ਉਹ ਦਰਸਾਉਂਦੀਆਂ ਵੀ ਹੋ ਸਕਦੀਆਂ ਹਨ ਕਿ ਵੱਸੋਂ ਦੇ ਕੁਝ ਗਰੁੱਪਾਂ ‘ਚ ਸਿਹਤ ਸੰਭਾਲ ਲੈਣ ਅਤੇ ਬੀਮਾਰੀ ਦੀ ਰੋਗ-ਪਛਾਣ ਹੋਣ ਦੀ ਵਧੇਰੇ ਸੰਭਾਵਨਾਂ ਹੋ ਸਕਦੀ ਹੈ। ਇਸ ਤੋਂ ਉਲਟ, ਚਿਰਕਾਲੀ ਬਿਮਾਰੀ ਦੀਆਂ ਘੱਟ ਦਰਾਂ ਵੱਸੋਂ ਦੇ ਕਿਸੇ ਗੁਰੱਪ ‘ਚ ਬਿਮਾਰੀ ਦੇ ਘੱਟ ਬੋਝ ਕਰਕੇ ਹੋ ਸਕਦੀਆਂ ਹਨ, ਪਰੰਤੂ ਇਹ ਸਿਹਤ ਸੰਭਾਲ ‘ਚ ਰੁਕਾਵਟਾਂ ਨੂੰ ਦਰਸਾਉਂਦੀਆਂ ਵੀ ਹੋ ਸਕਦੀਆਂ ਹਨ।

ਇਸ ਪੜਾਅ ਦੇ ਇਕ ਵਿਸ਼ਲੇਸ਼ਣ ‘ਚ, ਵੱਸੋਂ ਦੇ ਗਰੁੱਪਾਂ ਦਰਮਿਆਨ ਚਿਰਕਾਲੀ ਬਿਮਾਰੀਆਂ ਦੀਆਂ ਦਰਾਂ ‘ਚ ਫਰਕ ਬਾਰੇ ਦੱਸਿਆ ਗਿਆ ਹੈ, ਪਰੰਤੂ ਇੰਨ੍ਹਾ ਫਰਕਾਂ ‘ਚ ਯੋਗਦਾਨ ਪਾਉਣ ਵਾਲੇ ਕਾਰਨਾਂ ਬਾਰੇ ਗੱਲਬਾਤ ਨਹੀਂ ਕੀਤੀ ਗਈ।