ਡਾ. ਜੂਨ ਫਰਾਂਸਿਸ,

ਚੇਅਰ, ਐਂਟੀ-ਰੇਸਿਜ਼ਮ ਡੈਟਾ ਕਮੇਟੀ:

“ਇਹ ਮਹੱਤਵਪੂਰਨ ਪਹਿਲਕਦਮੀ, ਐਂਟੀ-ਰੇਸਿਜ਼ਮ ਡੈਟਾ ਐਕਟ, ਇਹ ਯਕੀਨੀ ਬਣਾਉਣਾ ਚਾਹੁੰਦਾ ਹੈ ਕਿ ਬੀ ਸੀ ਇਕ ਅਜਿਹਾ ਸੂਬਾ ਹੋਵੇ ਜਿੱਥੇ ਸਾਰੇ ਲੋਕ ਨਸਲੀ ਭੇਦਭਾਵ ਤੋਂ ਬਗੈਰ ਵਧ ਫੁਲ ਸਕਣ। ਐਂਟੀ-ਰੇਸਿਜ਼ਮ ਡੈਟਾ ਕਮੇਟੀ ਇੰਨ੍ਹਾਂ ਉਮੰਗਾਂ ਨੂੰ ਗੰਭੀਰਤਾ ਨਾਲ ਲਵੇਗੀ। ਕਮੇਟੀ ਦਾ ਗਠਨ ਮੂਲਵਾਸੀ ਲੋਕਾਂ ਅਤੇ ਨਸਲੀਕ੍ਰਿਤ ਕਮਿਊਨਿਟੀਆਂ ਦੀ ਪ੍ਰਤਿਨਿਧਤਾ ਨੂੰ ਯਕੀਨੀ ਬਣਾਉਣ ਲਈ ਕੀਤਾ ਗਿਆ ਅਤੇ ਇਹ ਇਸ ਚੀਜ਼ ਨੂੰ ਯਕੀਨੀ ਬਣਾਉਣ ਲਈ ਸਖਤ ਮਿਹਨਤ ਕਰੇਗੀ ਕਿ ਜਨਤਕ ਖੇਤਰਾਂ ਵਿਚ ਸਿਸਟਮਗਤ ਨਸਲਵਾਦ ਅਤੇ ਸੇਵਾਵਾਂ ਵਿਚਲੇ ਪਾੜਿਆਂ ਨਾਲ ਨਿਪਟਣ ਦੇ ਵਾਅਦੇ ਪੂਰੇ ਕੀਤੇ ਜਾਣ। ਅਸੀਂ ਜਦੋਂ ਮਹੱਤਵਪੂਰਨ ਖੋਜ ਤਰਜੀਹਾਂ ਸਥਾਪਤ ਕਰਨ ਹਿੱਤ ਸਰਕਾਰ ਨਾਲ ਸਹਿਯੋਗ ਕਰ ਰਹੇ ਹੋਵਾਂਗੇ ਤਾਂ ਇਸ ਵਿਚ ਕਮਿਊਨਿਟੀਆਂ ਦੇ ਪੱਖ ਜਾਣਨ ਅਤੇ ਸੱਭਿਆਚਾਰਕ ਸੁਰੱਖਿਆ ਨੂੰ ਬਣਾਈ ਰੱਖਣ ਸਮੇਤ ਕਮਿਊਨਿਟੀਆਂ ਨਾਲ ਕੰਮ ਕਰਨ ਦਾ ਲਗਾਤਾਰ ਅਮਲ ਸ਼ਾਮਲ ਹੋਵੇਗਾ। ਧਿਆਨ ਦਾ ਮੂਲ ਕੇਂਦਰ ਨਸਲੀ ਨਿਆਂਸ਼ੀਲਤਾ ਵਿਚਲੇ ਪਾੜੇ ਜਿਹੜੇ ਪਬਲਿਕ ਸੇਵਾਵਾਂ ‘ਚ ਮੌਜ਼ੂਦ ਹਨ, ਨੂੰ ਖਤਮ ਕਰਨ ਲਈ ਡੈਟਾ ਇਕੱਤਰ ਕਰਨਾ ਤੇ ਉਸਦੀ ਨਿਗਰਾਨੀ ਕਰਨਾ ਹੋਵੇਗਾ।“