ਖੋਜ ਤਰਜੀਹਾਂ
ਪ੍ਰਣਾਲੀਗਤ ਨਸਲਵਾਦ ਨੇ ਸਰਕਾਰੀ ਸੇਵਾਵਾਂ ਵਿੱਚ ਰੁਕਾਵਟਾਂ ਅਤੇ ਅਸਮਾਨਤਾ ਪੈਦਾ ਕੀਤੀ ਹੈ। ਇਸ ਨੂੰ ਹੱਲ ਕਰਨ ਲਈ, ਸਾਨੂੰ ਇਹ ਜਾਣਨ ਦੀ ਜ਼ਰੂਰਤ ਹੈ ਕਿ ਇਹ ਕਿੱਥੇ ਹੋ ਰਿਹਾ ਹੈ ਅਤੇ ਕੌਣ ਪ੍ਰਭਾਵਿਤ ਹੋ ਰਿਹਾ ਹੈ। ‘ਨਸਲਵਾਦ-ਵਿਰੋਧੀ ਡਾਟਾ ਐਕਟ’ (Anti-Racism Data Act) ਸਾਨੂੰ ਉਹ ਸਾਧਨ ਦੇ ਰਿਹਾ ਹੈ ਜਿਨ੍ਹਾਂ ਦੀ ਸਾਨੂੰ ਇਨ੍ਹਾਂ ਮੁੱਦਿਆਂ ‘ਤੇ ਧਿਆਨ ਦੇਣ ਦੀ ਲੋੜ ਹੈ।
ਨਸਲਵਾਦ-ਵਿਰੋਧੀ ਡਾਟਾ ਐਕਟ ਦੇ ਤਹਿਤ, ਸਾਨੂੰ ਹਰ ਦੋ ਸਾਲਾਂ ਵਿੱਚ ਖੋਜ ਤਰਜੀਹਾਂ ਨਿਰਧਾਰਤ ਕਰਨ ਦੀ ਲੋੜ ਹੁੰਦੀ ਹੈ। ਇਹ ਸਫ਼ਾ ਮੌਜੂਦਾ ਖੋਜ ਤਰਜੀਹਾਂ ਅਤੇ ਉਹ ਕਿਵੇਂ ਤਿਆਰ ਕੀਤੀਆਂ ਗਈਆਂ ਸਨ ਬਾਰੇ ਜਾਣਕਾਰੀ ਦਿੰਦਾ ਹੈ। ਇਹ ਤਰਜੀਹਾਂ ਸਰਕਾਰ ਨੂੰ ਉਸ ਖੋਜ ਵੱਲ ਨਿਰਦੇਸ਼ਤ ਕਰਨ ਵਿੱਚ ਸਹਾਇਤਾ ਕਰਦੀਆਂ ਹਨ, ਜੋ ਡੂੰਘੀਆਂ ਜੜ੍ਹਾਂ ਵਾਲੀਆਂ ਰੁਕਾਵਟਾਂ ਦੀ ਪਛਾਣ ਕਰਦੀ ਹੈ ਅਤੇ ਨਸਲੀ ਨਿਰਪੱਖਤਾ ਨੂੰ ਉਤਸ਼ਾਹਤ ਕਰਨ ਲਈ ਕਾਰਵਾਈ ਦੀ ਮੰਗ ਕਰਦੀ ਹੈ।
ਅਸੀਂ ਇੰਡੀਜਨਸ ਲੋਕਾਂ ਨਾਲ ਸਲਾਹ-ਮਸ਼ਵਰੇ ਅਤੇ ਸਹਿਯੋਗ ਰਾਹੀਂ ਅਤੇ ਨਸਲਵਾਦ-ਵਿਰੋਧੀ ਡਾਟਾ ਕਮੇਟੀ (Anti-Racism Data Committee) ਨਾਲ ਤਾਲ-ਮੇਲ ਰਾਹੀਂ ਖੋਜ ਤਰਜੀਹਾਂ ਵਿਕਸਤ ਕਰਦੇ ਹਾਂ। ਇਸ ਤਰੀਕੇ ਨਾਲ ਤਰਜੀਹਾਂ ਨਿਰਧਾਰਤ ਕਰਨਾ ਸਾਡੀ ਖੋਜ ਨੂੰ ਉਨ੍ਹਾਂ ਖੇਤਰਾਂ ‘ਤੇ ਕੇਂਦਰਿਤ ਕਰਨ ਵਿੱਚ ਮਦਦ ਕਰਦਾ ਹੈ ਜੋ ਇੰਡੀਜਨਸ ਲੋਕਾਂ ਅਤੇ ਨਸਲੀ ਪਿਛੋਕੜ ਵਾਲੇ ਭਾਈਚਾਰਿਆਂ ਲਈ ਸਭ ਤੋਂ ਵੱਧ ਮਹੱਤਵਪੂਰਨ ਹਨ।
ਕੁਝ ਤਰਜੀਹਾਂ ਉਨ੍ਹਾਂ ਖੇਤਰਾਂ ਵਿੱਚ ਹੋ ਸਕਦੀਆਂ ਹਨ ਜਿੱਥੇ ਸਰਕਾਰ ਕੋਲ ਅੰਕੜਿਆਂ ਦੀ ਘਾਟ ਹੈ ਜਾਂ ਜਿੱਥੇ ਭਾਈਚਾਰਕ ਨੁਕਸਾਨ ਤੋਂ ਬਚਣ ਲਈ ਡਾਟਾ ਇਕੱਤਰ ਕਰਨ ਦੀ ਸਮਰੱਥਾ ਸੀਮਤ ਹੈ। ਉਨ੍ਹਾਂ ਨੂੰ ਤਰਜੀਹਾਂ ਵਜੋਂ ਨਾਮ ਦੇ ਕੇ ਅਸੀਂ ਜਾਣਕਾਰੀ ਵਿੱਚ ਖਾਮੀਆਂ ਅਤੇ ਜਾਣਕਾਰੀ ਤੱਕ ਪਹੁੰਚਣ ਵਿੱਚ ਰੁਕਾਵਟਾਂ ਦੀ ਜਾਂਚ ਕਰਨ ਦੇ ਸਮਰੱਥ ਹੋ ਸਕਦੇ ਹਾਂ, ਅਤੇ ਉਨ੍ਹਾਂ ਕਮੀਆਂ ਨੂੰ ਸੁਰੱਖਿਅਤ ਢੰਗ ਨਾਲ ਦੂਰ ਕਰਨ ਲਈ ਪ੍ਰੋਗਰਾਮ ਖੇਤਰਾਂ ਨੂੰ ਸਹਿਯੋਗ ਦੇ ਸਕਦੇ ਹਾਂ।
ਸਾਡੀਆਂ ਖੋਜ ਤਰਜੀਹਾਂ ਪਹਿਲਾਂ ਦੀ ਖੋਜ ਅਤੇ ਸਿਫ਼ਾਰਸ਼ਾਂ ‘ਤੇ ਅਧਾਰਤ ਹਨ, (ਜਿਵੇਂ ਕਿ ਸਿਹਤ ਸੰਭਾਲ ਵਿੱਚ ਇੰਡੀਜਨਸ-ਵਿਰੋਧੀ ਨਸਲਵਾਦ ਬਾਰੇ ‘ਇਨ ਪਲੇਨ ਸਾਈਟ’ ਰਿਪੋਰਟ, ਜੋ ਸਿਹਤ ਸੰਭਾਲ ਵਿੱਚ ਇੰਡੀਜਨਸ-ਵਿਰੋਧੀ ਨਸਲਵਾਦ ‘ਤੇ ਕੇਂਦਰਿਤ ਹੈ) ਤਾਂ ਜੋ ਬੀ.ਸੀ. ਵਿੱਚ ਬਸਤੀਵਾਦੀ ਪ੍ਰਭਾਵਾਂ ਨੂੰ ਬਿਹਤਰ ਤਰੀਕੇ ਨਾਲ ਸਮਝਿਆ ਜਾ ਸਕੇ। ਇਹ ਖੋਜ, ਇੰਡੀਜਨਸ ਡਾਟਾ ਕਿਵੇਂ ਇਕੱਠਾ ਕੀਤਾ ਜਾਵੇ, ਵਰਤਿਆ ਜਾਵੇ ਅਤੇ ਸਾਂਝਾ ਕੀਤਾ ਜਾਵੇ ਅਤੇ ਆਪਣੀ ਮਰਜ਼ੀ ਨਾਲ ਫੈਸਲੇ ਲੈਣ ਦੀ ਸਮਰੱਥਾ ਅਤੇ ਹੋਰ ਮਹੱਤਵਪੂਰਨ ਪ੍ਰਕਿਰਿਆ ਵਚਨਬੱਧਤਾਵਾਂ ਲਈ ਇੱਕ ਭਿੰਨਤਾ-ਅਧਾਰਤ ਪਹੁੰਚ ਦੁਆਰਾ ਨਿਰਦੇਸ਼ਤ ਹੈ।
ਸੰਬੰਧਤ ਵਿਸ਼ੇ
ਖੋਜ ਤਰਜੀਹਾਂ 2025-2027
30 ਮਈ, 2025 ਨੂੰ, ਅਸੀਂ 2025-2027 ਲਈ ਖੋਜ ਤਰਜੀਹਾਂ ਪ੍ਰਕਾਸ਼ਤ ਕੀਤੀਆਂ।
ਇਹ ਤਰਜੀਹਾਂ ਤਿਆਰ ਕਰਨ ਲਈ, ‘ਇੰਡੀਜਨਸ ਲੋਕਾਂ ਅਤੇ ਨਸਲਵਾਦ-ਵਿਰੋਧੀ ਡਾਟਾ ਕਮੇਟੀ’ ਨੇ ਪਿਛਲੇ ਕੁਝ ਸਾਲਾਂ ਦੌਰਾਨ ਭਾਈਵਾਲਾਂ, ਭਾਈਚਾਰੇ ਦੇ ਮੈਂਬਰਾਂ, ਅਤੇ ਹਿਮਾਇਤੀਆਂ ਤੋਂ ਮਿਲੀ ਰਾਏ, ਰਿਪੋਰਟਾਂ ਅਤੇ ਸਿਫਾਰਸ਼ਾਂ ‘ਤੇ ਵਿਚਾਰ ਕੀਤਾ ਹੈ।
2025-2027 ਲਈ ਬਹੁਤ ਸਾਰੀਆਂ ਖੋਜ ਤਰਜੀਹਾਂ ਪਿਛਲੀਆਂ ਤਰਜੀਹਾਂ ਅਤੇ ਕਾਰਵਾਈ ਦੀ ਮੰਗ ਨੂੰ ਅੱਗੇ ਵਧਾਉਂਦੀਆਂ ਹਨ। ਇਸ ਨਾਲ ਪਤਾ ਲੱਗਦਾ ਹੈ ਕਿ ਇਹ ਸਮੱਸਿਆਵਾਂ ਕਾਫੀ ਸਮੇਂ ਤੋਂ ਚੱਲ ਰਹੀਆਂ ਹਨ ਅਤੇ ਅੱਜ ਵੀ ਗੰਭੀਰ ਹਨ। ਇਨ੍ਹਾਂ ਨੇ ਬੀ.ਸੀ. ਦੇ ਨਸਲੀ ਪਿਛੋਕੜ ਵਾਲੇ ਭਾਈਚਾਰਿਆਂ ਅਤੇ ਇੰਡੀਜਨਸ ਲੋਕਾਂ ਦੇ ਅਧਿਕਾਰਾਂ ਉੱਤੇ ਹਮੇਸ਼ਾ ਪ੍ਰਭਾਵ ਪਾਇਆ ਹੈ।
ਇੰਡੀਜਨਸ ਲੋਕਾਂ ਤੋਂ ਖੋਜ ਤਰਜੀਹਾਂ
2025-2027 ਦੀਆਂ ਖੋਜ ਤਰਜੀਹਾਂ ਉਨ੍ਹਾਂ ਆਮ ਵਿਸ਼ਿਆਂ ਨੂੰ ਦਰਸਾਉਂਦੀਆਂ ਹਨ ਜੋ ਅਸੀਂ ਉਨ੍ਹਾਂ ਇੰਡੀਜਨਸ ਲੋਕਾਂ ਤੋਂ ਸੁਣੇ ਹਨ ਜਿਨ੍ਹਾਂ ਨੇ ਸਲਾਹ-ਮਸ਼ਵਰੇ ਅਤੇ ਸਾਂਝੀ ਪ੍ਰਕਿਰਿਆ ਵਿੱਚ ਹਿੱਸਾ ਲਿਆ। ਇਹ ਬੀ.ਸੀ. ਭਰ ਵਿੱਚ ਫਰਸਟ ਨੇਸ਼ਨਜ਼, ਮੇਟੀ ਅਤੇ ਇਨੂਇਟ ਲੋਕਾਂ ਨੂੰ ਦਰਪੇਸ਼ ਪ੍ਰਣਾਲੀਗਤ ਨਸਲਵਾਦ ਦੇ ਸਾਰੇ ਵੱਖਰੇ ਅਤੇ ਵਿਲੱਖਣ ਮੁੱਦਿਆਂ ਨੂੰ ਨਹੀਂ ਦਰਸਾਉਂਦੇ ਹਨ।
ਨਸਲਵਾਦ-ਵਿਰੋਧੀ ਡਾਟਾ ਕਮੇਟੀ ਦੀਆਂ ਖੋਜ ਤਰਜੀਹਾਂ
ਨਸਲਵਾਦ-ਵਿਰੋਧੀ ਡਾਟਾ ਕਮੇਟੀ ਨੇ 2025-2027 ਲਈ 9 ਤਰਜੀਹਾਂ ਦੀ ਸਿਫਾਰਸ਼ ਕੀਤੀ ਹੈ। ਇਨ੍ਹਾਂ ਵਿੱਚੋਂ ਸੱਤ, ਪਿਛਲੀਆਂ ਤਰਜੀਹਾਂ ਨੂੰ ਅੱਗੇ ਵਧਾਉਂਦੀਆਂ ਹਨ ਅਤੇ ਦੋ ਖੋਜ ਦੇ ਨਵੇਂ ਖੇਤਰ ਹਨ।
ਤੁਹਾਡਾ ਧੰਨਵਾਦ
ਖੋਜ ਤਰਜੀਹਾਂ ਨਿਰਧਾਰਤ ਕਰਨ ਵਿੱਚ ਕਾਫ਼ੀ ਸਮਾਂ ਅਤੇ ਕੋਸ਼ਿਸ਼ ਲੱਗਦੀ ਹੈ। ਇਹ ਕੰਮ ਭਾਵਨਾਵਾਂ ਉੱਤੇ ਡੂੰਘਾ ਅਸਰ ਪਾ ਸਕਦਾ ਹੈ ਕਿਉਂਕਿ ਨਸਲਵਾਦ ਦੇ ਤਜਰਬਿਆਂ ਬਾਰੇ ਵਿਚਾਰ ਕਰਨਾ ਮਾਨਸਕ ਤਣਾਅ ਪੈਦਾ ਕਰ ਸਕਦਾ ਹੈ। ਅਸੀਂ ਉਹਨਾਂ ਭਾਈਵਾਲਾਂ ਅਤੇ ਵਿਅਕਤੀਆਂ ਦਾ ਧੰਨਵਾਦ ਕਰਦੇ ਹਾਂ ਜਿਨ੍ਹਾਂ ਨੇ ਆਪਣਾ ਯੋਗਦਾਨ ਪਾਇਆ ਅਤੇ ਆਪਣੀਆਂ ਸਿਫ਼ਾਰਸ਼ਾਂ ਸਾਂਝੀਆਂ ਕਰਕੇ ਸਾਡੇ ਉੱਤੇ ਭਰੋਸਾ ਕੀਤਾ।
ਉਨ੍ਹਾਂ ਦੇ ਸੋਚ-ਵਿਚਾਰ ਨਾਲ ਭਰਪੂਰ ਯੋਗਦਾਨ ਨਾਲ, ਅਸੀਂ ਤਰਜੀਹਾਂ ਦੀ ਇੱਕ ਸੂਚੀ ਬਣਾਈ ਹੈ ਜੋ ਇੰਡੀਜਨਸ ਅਤੇ ਨਸਲੀ ਪਿਛੋਕੜ ਵਾਲੇ ਭਾਈਚਾਰਿਆਂ ਦੇ ਹਿੱਤਾਂ ਨੂੰ ਦਰਸਾਉਂਦੀ ਹੈ ਅਤੇ ਜੋ ਸਰਕਾਰ ਭਰ ਵਿੱਚ ਖੋਜ ਨੂੰ ਅੱਗੇ ਵਧਾਏਗੀ। ਇਹ ਸੂਚੀ ਆਉਣ ਵਾਲੇ ਸਾਲਾਂ ਵਿੱਚ ਪ੍ਰਣਾਲੀਗਤ ਨਸਲਵਾਦ ਦੀ ਪਛਾਣ ਕਰਨ ਅਤੇ ਇਸ ਨਾਲ ਨਜਿੱਠਣ ਅਤੇ ਨਸਲੀ ਬਰਾਬਰੀ ਨੂੰ ਅੱਗੇ ਵਧਾਉਣ ਲਈ ਸਾਡੀਆਂ ਚੱਲ ਰਹੀਆਂ ਕੋਸ਼ਿਸ਼ਾਂ ਦਾ ਇੱਕ ਮਹੱਤਵਪੂਰਨ ਹਿੱਸਾ ਹੈ।
ਖੋਜ ਕਿਵੇਂ ਕੀਤੀ ਜਾਵੇਗੀ?
ਐਂਟੀ-ਰੇਸਿਜ਼ਮ ਡੈਟਾ ਐਕਟ ਦੇ ਤਹਿਤ, ਸਾਡਾ ਉਦੇਸ਼ ਵਿਸ਼ਵਾਸ, ਪਾਰਦਰਸ਼ਤਾ ਅਤੇ ਜਵਾਬਦੇਹੀ ਨੂੰ ਵਧਾਉਣਾ ਹੈ। ਇਸ ਦੇ ਨਾਲ ਹੀ ਮੂਲਵਾਸੀ ਲੋਕਾਂ ਅਤੇ ਨਸਲੀ ਪਿਛੋਕੜ ਵਾਲੇ ਭਾਈਚਾਰਿਆਂ ਨੂੰ ਹੋਣ ਵਾਲੇ ਨੁਕਸਾਨਾਂ ਦੀ ਰੋਕਥਾਮ ਕਰਨਾ ਅਤੇ ਉਹਨਾਂ ਨੂੰ ਘਟਾਉਣਾ ਮਹੱਤਵਪੂਰਨ ਹੈ।
ਅਸੀਂ ਪੰਜ ਪ੍ਰਕਿਰਿਆ ਵਚਨਬੱਧਤਾਵਾਂ ਨੂੰ ਵਿਕਸਤ ਕਰਨ ਲਈ ਐਂਟੀ ਰੇਸਿਜ਼ਮ ਡੈਟਾ ਕਮੇਟੀ ਅਤੇ ਮੂਲਵਾਸੀ ਲੋਕਾਂ ਨਾਲ ਮਿਲ ਕੇ ਕੰਮ ਕੀਤਾ ਹੈ। ਇਹ ਵਚਨਬੱਧਤਾਵਾਂ ਐਕਟ ਅਧੀਨ ਕਰਵਾਏ ਗਏ ਹਰੇਕ ਖੋਜ ਪ੍ਰੋਜੈਕਟ ‘ਤੇ ਲਾਗੂ ਹੋਣਗੀਆਂ।
ਮੂਲਵਾਸੀ ਡੈਟਾ ਪ੍ਰਭੂਸੱਤਾ
ਮੂਲਵਾਸੀ ਡੈਟਾ ਪ੍ਰਭੂਸੱਤਾ ਅਤੇ ਸਵੈ-ਨਿਰਣੇ ਲਈ ਇੱਕ ਭਿੰਨਤਾ-ਆਧਾਰਿਤ ਦ੍ਰਿਸ਼ਟੀਕੋਣ ਦੁਆਰਾ ਨਿਰਦੇਸ਼ਿਤ
ਡੈਟਾ ਨਿਆਂ
ਡੈਟਾ ਨਿਆਂ ਉਹਨਾਂ ਦੋਵਾਂ ਨੂੰ ਪਛਾਣਦਾ ਹੈ, ਉਹ ਨੁਕਸਾਨ ਜੋ ਡੈਟਾ ਨੇ ਭਾਈਚਾਰਿਆਂ ਨੂੰ ਪਹੁੰਚਾਏ ਹਨ, ਅਤੇ ਨਾਲ ਹੀ ਨਿਰਪੱਖਤਾ ਅਤੇ ਸਮਾਜਿਕ ਨਿਆਂ ਨੂੰ ਅੱਗੇ ਵਧਾਉਣ ਲਈ ਡੈਟਾ ਦੀ ਸ਼ਕਤੀ।
ਅੰਤਰ-ਸੰਬੰਧਤਾ (ਇੰਟਰਸੈਕਸ਼ਨੈਲਿਟੀ)
ਇੱਕ ਵਿਅਕਤੀ ਇੱਕ ਤੋਂ ਵੱਧ ਰੂਪਾਂ ਦੇ ਵਿਤਕਰੇ ਅਤੇ/ਜਾਂ ਛੋਟਾ ਮਹਿਸੂਸ ਕਰਵਾਏ ਜਾਣ ਦਾ ਅਨੁਭਵ ਕਰ ਸਕਦਾ ਹੈ।
ਖੋਜ ਨੂੰ ਇੱਕ ਐਂਟੀ ਰੇਸਿਜ਼ਮ ਅਤੇ ਲਿੰਗ-ਆਧਾਰਿਤ ਨਜ਼ਰੀਏ ਨੂੰ ਕਾਇਮ ਰੱਖਦੇ ਹੋਏ ਇੱਕ ਵਿਅਕਤੀ ਦੀ ਪੂਰੀ ਪਛਾਣ ‘ਤੇ ਵਿਚਾਰ ਕਰਨਾ ਚਾਹੀਦਾ ਹੈ।
ਪਾਰਦਰਸ਼ਤਾ
ਵਿਸ਼ਵਾਸ ਬਣਾਉਣ ਲਈ, ਸਾਨੂੰ ਡੈਟਾ ਇਕੱਠਾ ਕਰਨ ਦੇ ਉਦੇਸ਼ ਅਤੇ ਲਾਭ ਬਾਰੇ ਸਪੱਸ਼ਟ ਹੋਣਾ ਚਾਹੀਦਾ ਹੈ।
ਇਸਦਾ ਮਤਲਬ ਹੈ ਕਿ ਡੈਟਾ, ਵਿਧੀਆਂ ਅਤੇ ਖੋਜਾਂ ਨੂੰ ਕਿਵੇਂ ਅਤੇ ਕਦੋਂ ਸਾਂਝਾ ਕਰਨਾ ਹੈ ਇਹ ਸਮਝਣ ਲਈ ਭਾਈਚਾਰਿਆਂ ਨਾਲ ਕੰਮ ਕਰਨਾ।
ਲਗਾਤਾਰ ਸ਼ਮੂਲੀਅਤ
ਅਸੀਂ ਭਾਈਚਾਰਿਆਂ ਅਤੇ ਭਾਈਵਾਲਾਂ ਨਾਲ ਸੰਬੰਧ ਬਣਾਉਣਾ ਅਤੇ ਉਹਨਾਂ ਨੂੰ ਮਜ਼ਬੂਤ ਕਰਨਾ ਜਾਰੀ ਰੱਖਾਂਗੇ।
ਇਹ ਸੁਨਿਸ਼ਚਿਤ ਕਰੇਗਾ ਕਿ ਮੂਲਵਾਸੀ ਲੋਕਾਂ ਅਤੇ ਹੋਰ ਨਸਲੀ ਪਿਛੋਕੜ ਵਾਲੇ ਵਿਅਕਤੀਆਂ ਦੀਆਂ ਲੋੜਾਂ, ਅਨੁਭਵ ਅਤੇ ਗਿਆਨ, ਡੈਟਾ ਇਕੱਤਰ ਕਰਨ ਅਤੇ ਖੋਜ ਦਾ ਮਾਰਗਦਰਸ਼ਨ ਕਰਦੇ ਹਨ।
