ਐਂਟੀ ਰੇਸਿਜ਼ਮ ਖੋਜ ਪ੍ਰਾਥਮਿਕਤਾਵਾਂ ਨੂੰ ਕਿਵੇਂ ਵਿਕਸਤ ਕੀਤਾ ਗਿਆ ਸੀ

ਅਸੀਂ ਖੋਜ ਪ੍ਰਾਥਮਿਕਤਾਵਾਂ ਨੂੰ ਵਿਕਸਤ ਕਰਨ ਵਿੱਚ ਮਦਦ ਕਰਨ ਲਈ ਸਾਰੇ ਬੀ.ਸੀ ਫਰਸਟ ਨੇਸ਼ਨਜ਼ ਅਤੇ ਮੇਟੀ ਨੇਸ਼ਨ ਬੀਸੀ ਨੂੰ ਸੱਦਾ ਦਿੱਤਾ।

ਅਸੀਂ ਡੈਟਾ ਸੰਬੰਧਤ ਸਿਫ਼ਾਰਸ਼ਾਂ, ਅੰਤਰ ਜਾਂ ਮੌਕਿਆਂ ਦੀ ਪਛਾਣ ਕਰਨ ਲਈ 60 ਤੋਂ ਵੱਧ ਰਿਪੋਰਟਾਂ ਦੀ ਸਮੀਖਿਆ ਕੀਤੀ। ਇਸ ਵਿੱਚ ਇਹਨਾਂ ਤੋਂ ਰਿਪੋਰਟਾਂ ਸ਼ਾਮਲ ਹਨ:

• ਬੀ.ਸੀ. ਮਨੁੱਖੀ ਅਧਿਕਾਰ ਕਮਿਸ਼ਨਰ (The B.C. Human Rights Commissioner)
• ਬੱਚਿਆਂ ਅਤੇ ਨੌਜਵਾਨਾਂ ਲਈ ਬੀ.ਸੀ. ਪ੍ਰਤੀਨਿਧੀ (The B.C. Representative for Children and Youth)
• ਐਂਟੀ ਰੇਸਿਜ਼ਮ ਡੈਟਾ ਐਕਟ ‘ਤੇ ਭਾਈਚਾਰਕ ਸ਼ਮੂਲੀਅਤ
• ਨਿਰਪੱਖਤਾ ਅਤੇ ਵਿਭਿੰਨਤਾ ਨੂੰ ਬਿਹਤਰ ਬਣਾਉਣ ਲਈ ਕੰਮ ਕਰ ਰਹੀਆਂ ਹੋਰ ਸੰਸਥਾਵਾਂ

ਅੱਸੀ ਸੰਭਾਵੀ ਤਰਜੀਹੀ ਵਿਸ਼ਿਆਂ ਦੀ ਪਛਾਣ ਕੀਤੀ ਗਈ ਸੀ। ਅਸੀਂ ਨਸਲਵਾਦ ਵਿਰੋਧੀ ਡੈਟਾ ਕਮੇਟੀ, ਮੇਟੀ ਨੇਸ਼ਨ ਬ੍ਰਿਟਿਸ਼ ਕੋਲੰਬੀਆ ਅਤੇ ਬੀ ਸੀ ਫਰਸਟ ਨੇਸ਼ਨਜ਼ ਨਾਲ 80 ਤਰਜੀਹੀ ਵਿਸ਼ਿਆਂ ਨੂੰ ਸਾਂਝਾ ਕੀਤਾ ਹੈ। ਇਸ ਜਾਣਕਾਰੀ ਨੇ ਇਸ ਬਾਰੇ ਚਰਚਾ ਕਰਨ ਵਿੱਚ ਮਦਦ ਕੀਤੀ ਕਿ ਕਿਹੜੀਆਂ ਖੋਜ ਪ੍ਰਾਥਮਿਕਤਾਵਾਂ ਸਭ ਤੋਂ ਮਹੱਤਵਪੂਰਨ ਸਨ।

ਹਰ ਸਾਂਝੇਦਾਰ ਨੇ ਕਈ ਸਿਫ਼ਾਰਸ਼ਾਂ ਪ੍ਰਦਾਨ ਕੀਤੀਆਂ। ਇਹਨਾਂ ਦੀ ਵਰਤੋਂ 10 ਸੈਕਟਰ-ਅਧਾਰਿਤ ਖੋਜ ਪ੍ਰਾਥਮਿਕਤਾਵਾਂ ਅਤੇ ਦੋ ਹੋਰ ਪ੍ਰਾਥਮਿਕਤਾਵਾਂ ਦੀ ਅੰਤਮ ਸੂਚੀ ਬਣਾਉਣ ਲਈ ਕੀਤੀ ਗਈ ਸੀ।